الى حواء مع التقدير

احبائي اعضاء منتدى صقر العراق

السلام عليكم
حواء هذه المخلوقه الرائعه.... حواء النصف الجميل في آدم .... حواء الأم و ألأخت والزوجه والحبيبه والصديقه..
هل انصفها آدم ؟ ام قسى عليها؟ لماذا تتحمل حواء ثمن أخطاء وغرور آدم؟
هذه رسالة اعتذار من آدم الى حواء وعلى لسان الشاعر المبدع عادل محسن اقدمها هديه الى حواء الجميله والى كل منصف من ابناء آدم

البـنـات

لا تكَولون الذنب ذنب البنات
وبالهوى تكولون ماعدهن وفه
كلوبهن ترفه ورقيقات النساء
الله خالقهن حنان وعاطفه
الف هنياله اليحب طيبة صفات
والف هنياله العلى ايديها غفه
رقه واحساس ووفه وطيبه وجمال
وابد ادم ماحمل هاي الصفه
على كيفك وي قوارير الزجاج
ولاتخليها بمهب العاصفه
تدري شيحس الكلب لو هنّ يوم
ايمرن اكبالك طيور امزلفه
وتدري عينك تفرح وبيهن تشوف
لوحه من ربك جميله إمزخرفه
إبهيده وي حواء مو ذني البنات
إجفوفهن لجروحنه بيها الشفه
انت يلّي اتكول باعتني برخيص
انت مو كد الهوى ولاتعرفه
الغزال ارهيف وبسرعه يطيح
من تتعبه وفوك حمله اتكلفه
الذنب ذنبك انت للفركَه اعتنيت
وجان كلب الحلوه بيدك واختفى
هي جانت كمر وبدربك تنور
وانت خليت الكمر بيدك طفه
وانت يلّي تكول عافتني حرام
إسألت روحك ليش لمن عافتك؟
جان مابعدت ولاعنك تروح
كونك اتحبها مثل ماحبتك
اذكر العشره وبدايتها الدموع
واذكر اجفوف اللي مسحت دمعتك
لاتشهّر بالحبايب بالكلام
واذكر اشواكك واذكر لهفتك
احفظ السانك تره باجر تعود
الصحبه حوبه ولاتضيع صحبتك
خَلّي خط رجعه ولاتبغض عزيز
ايعود للروح العشك مهما اختفى
لا تكَولون الذنب ذنب البنات
وبالهوى تكولون ماعدهن وفه
إتزَعل الحلوه الرقيقه بلا ذنوب
وتنتظر منها تجيك وتعتنيك
من يكول اللهفه متمر بيها يوم
ومن يكول الحلوه ماتشتاك ليك
الحبيبه الجنت تشتمها ورود
لاتخلّيها الم تصبح عليك
إشتريها بكلمه واصدق بالكلام
إتضحي إلك بالدنيا كلها وتشتريك
المهره يهل الهوى من خيّالها
وما تدنًك للضعيف اكبالها
الخسرها ايكول خانتني وبقيت
والربح شاطر ويشغل بالها
طيور جنه وتمشي عالكاع البنات
واليزعلهن قليل المعرفه
هنً إلنه واحنه إلهن للممات
ابغير عشه الطير مانام وغفه
لا تكَولون الذنب ذنب البنات
وبالهوى تكولون ماعدهن وفه
كلوبهن طيبه ورقيقات النساء
الله خالقهن حنان وعاطفه

مع تحياتي لكم جميعا
اخوكم صقر العراق

[/size]

عااااااااااشت الايادي ننتظر جديدك